Шаҳзода Уильям ҳамда Кембриж герцогинияси Кейт ўзларининг учинчи фарзандини дунёга келишини кутмоқда. Аввалги икки нафар меросхўрларнинг туғилиши натижасида Британияда 489 миллион долларлик сувенирлар сотилган, деб хабар берди «РБК».
Қироллик оиласида меросхўрларнинг туғилиши сувенирлар, болалар кийимлари сотувчилари, букмекерлар, меҳмонхона хўжайинлари, кафелар ва бошқа кўплаб тадбиркорлар учун яхшигина даромад манбаи ҳисобланади.
2013 йилда шаҳзода Жоржнинг туғилиши Британия поятахтига 29,1 миллион одамни жалб қилди. Орадан икки йил ўтгач, малика Шарлоттанинг туғилган кунини эса Лондонда 32 миллион турист нишонлади.
The Independent нашрининг маълумотларига кўра, Шарлотта Елизавета Диананинг исмини тахмин орқали топган инсонлар букмекерлик контораларидан бир миллион фунтга яқин мукофот олган. Британияликлар меросхўр туғилгач, унинг чўқинтирган отаси ким бўлишини ҳам тахмин қила бошлашади.
Mеросхўрнинг исми оммага ошкор қилиниши билан кўплаб дўкон пештахталарида чақалоқнинг исми туширилган футболкалар, ўйинчоқлар, сувенирлар пайдо бўлади.
Малика Шарлотта туғилгач, Hurt & Sоn корхонасининг жунли матоларини сотилиши 149 фоизга ортган. Болакайларнинг туғилишидан Кейт Миддлтоннинг ота-онаси — Керол ва Майкл ҳам фойда кўришади. Уларга болалар байрами учун барча нарсалар билан савдо қиладиган Party Pieces онлайн -дўкони тегишли.
Иқтисодчиларнинг башорат қилишича, малика Шарлотта Британия иқтисодига акаси Жорждан кўра кўпроқ фойда келтириши кутилмоқда — йилига 150 миллион фунт. Индиана университетининг маркетинг бўйича эксперти Тони Уильямс Бредфорднинг Тhе Daily News’га маълум қилишича, маликанинг туғилиши «биринчи навбатда мода саноатига» таъсир кўрсатади. Шарлотта туғилганининг дастлабки икки кунида турли сувенирлар савдоси натижасида 80 миллион фунт фойда кўрилган, ушбу рақамлар қизалоқ 10 ёшга тўлгунига қадар 1 миллиард фунтга етиши кутилмоқда.
Изоҳ (0)