АҚШ президенти Дональд Трамп 18 сентябрь куни Нью-Йоркда дунёнинг етакчи раҳбарлари билан учрашиб, БМТни ислоҳ қилишга боғлиқ масалаларни муҳокама қилиш ниятида. Бу ҳақда Reuters агентлигига таяниб, «РИА Новости» хабар берди.
Агентликнинг маълум қилишича, дунёнинг етакчи раҳбарлари БМТ бош котиби Антониу Гутерришни ташкилот борасида «самарали ислоҳотларни бошлаш»га чақирувчи 10 та банддан иборат декларацияга имзо чекса учрашувга таклиф қилинади.
«Биз бош котибнинг БМТ доирасида инсонпарварлик ёрдами, тинчлик ташаббуслари ва ҳимоя қилиш ишларини янада мувофиқлаштириш мақсадида аниқ ўзгаришларни жорий этиш борасидаги саъй-ҳаракатларини қўллаб-қувватлаймиз», — дейилади декларация лойиҳасида.
12 сентябрь куни БМТнинг штаб-квартирасида Бош Ассамблеянинг 72-сессиясини очилиши бўлиб ўтади, 19 сентябрдан бошлаб эса юқори даражадаги ҳафталик давомида умумсиёсий масалалар муҳокамаси бошланади.
Изоҳ (0)