Ўзбекистон Республикаси Президенти Шавкат Мирзиёев АҚШ президенти Дональд Трампга ҳамдардлик мактубини йўллади, деб хабар беради Ташқи ишлар вазирлиги матбуот хизмати.
Мазкур мактубда «талофатли «Харви» довули оқибатида Техас штатида кўплаб инсонларнинг ҳалок бўлиши ва жароҳатланиши ҳақидаги хабар бизни қаттиқ қайғуга солди» дейилган.
Давлат раҳбари нобуд бўлганларнинг оила аъзолари ва яқинларига самимий ҳамдардлик ва далда сўзларини етказишни сўради, шунингдек, жароҳат олганларга тез фурсатларда соғайишни тилади.
Изоҳ (0)