Кеча, 28 август куни Самарқанд шаҳрида «Шарқ тароналари» халқаро мусиқа фестивалининг тантанали очилиш маросими бўлиб ўтди. Унда Ўзбекистон Президенти Шавкат Мирзиёев нутқ сўзлади ва иштирокчиларни табриклади. Шунингдек, ушбу фестиваль Ўзбекистоннинг Биринчи Президенти Ислом Каримов ташаббуси билан ташкил этилганига алоҳида урғу берди, деб хабар берди «Ўзбекистон 24».
Бу ҳақда гапирганда, аввало, атоқли сиёсат ва давлат арбоби, Ўзбекистон Республикасининг Биринчи Президенти муҳтарам Ислом Абдуғаниевич Каримовнинг азиз хотирасини ҳурмат-эҳтиром билан ёдга оламиз. Ислом Абдуғаниевич ўзи туғилиб ўсган Самарқанд шаҳрини, унинг юраги бўлган қадимий Регистон майдонини қанчалик буюк муҳаббат билан севса, «Шарқ тароналари» фестивалини ҳам шунчалик севар, қадрлар эдилар. «Шарқ тароналари» мусиқа фестивали ўзининг бетакрор руҳи ва қиёфаси, халқлар ўртасида дўстлик ришталарини мустаҳкамлаш, мусиқа санъати анъаналарини асраш, маданий мулоқотни ривожлантириш борасидаги эзгу мақсад-муддаолари билан қисқа муддатда юксак даражага эришди.Шавкат Мирзиёев, Ўзбекистон Республикаси Президенти
Изоҳ (0)