Қандай қилиб янги танишларнинг исмларини осон эслаб қолиш мумкин?
Баъзан янги танишларнинг исмларини тез унутиб қўямиз. Биз сизларга одамларнинг исмларини яхши эслаб қолишга ёрдам берувчи усуллар ҳақида айтиб бермоқчимиз.
Фото: «Jv.ru»
Диққат билан эшитинг
Кўпинча одамлар ўзларини таништираётганларида биз ўз фикрларимиз билан чалғиб кетамиз — масалан, айтайлик кейин нимани гапиришимиз кераклиги ҳақида ўйлаймиз. Бунинг ўрнига диққатингизни янги танишингиз нима ҳақида гапираётганига қаратинг.
Исмни такрорланг
Янги танишингиз ўзини таништиргандан кейин, суҳбат чоғида исмини яна бир марта такрорлашнинг йўлини ўйлаб топинг. Агар унинг исми ғайриоддий ёки қийинроқ бўлса, у қандай ёзилишини сўранг. Ёки оддийгина қилиб, охирига унинг исмини қўшиб «Танишганимдан хурсандман»га ўхшаш гапни айтинг.
Ўзаро боғланиш топинг
Ўзингизча шу исм билан боғлиқ бўлган кимнидир ёки ниманидир тасаввур қилиб кўринг. Масалан, Алишер исмини Алишер Навоий билан, Нодира исмини эса Нодирабегим билан боғлаш мумкин.
Бу боғланишни одамнинг ташқи кўриниши билан бирлаштиринг
Масалан, Алишер Навоийни янги танишингизнинг сочлари ёки бурни билан тасаввур қилиб кўринг. Фақат суҳбатдошингизга бундай муғомбирлик ҳақида айтиб қўйманг — у хафа бўлиб қолиши мумкин.
Боғланишларни такрорланг
Бироз вақт ўтгандан кейин, масалан уйга келганингиздан кейин хотирангизда маҳкам ўрнашиб қолиши учун янги танишингизни, унинг исмини ва у билан бўлган боғланишларнинг ҳаммасини эслашга ҳаракат қилиб кўринг.
Изоҳ (0)