Ўз уйингизни шинамроқ қилишнинг 4 усули

Уй — бу бизнинг кундалик муаммолардан дам оладиган ва куч йиғадиган жойимиз ҳисобланади. Шунинг учун уйимизни у ерда ўзимизни бахтли ва хотиржам сезадиган қилишимиз жуда муҳим.

1. Хонага ёруғлик киритинг

Деразадан кирадиган қуёшнинг ёруғлиги серотонин — бахт гормони даражасини оширади. Бу, табиий ёруғлик депрессия билан курашишга ва кайфиятни яхшилашга ёрдам беради демакдир.

Тўқ рангли оғир пардалардан воз кечинг ва уларни енгил ва оч ранглиларига алмаштиринг. Иложи борича кўпроқ ёруғлик акс этиши учун ойналар ўрнатинг. Ва албатта деразаларни ювишни унутманг.

2. Хонаки ўсимликлар ўстиринг

Хонаки ўсимликлар тинчлантиради ва диққатни тўплашга ёрдам беради. Яшил ранг эса кайфиятни кўтаради. Шунингдек ўсимликлар кислород ишлаб чиқаради ва ҳавони тозалайди.

3. Жиҳозларга ранг қўшинг

Ранглар тўғридан-тўғри бизнинг кайфиятимизга таъсир кўрсатади. Масалан, ётоқхона учун қизил ранг мос келмайди. У энергияни оширади, шунинг учун ётоқхона учун юмшоқроқ рангларни танлаш керак.

4. Жиҳозларни камайтиринг, бўш жойларни кўпайтиринг

Оғир иш кунидан кейин жиҳозларга тўлиб-тошган уйга қайтиб келиш ёқмайди. Кўз олдингизда нарсалар қанча кўп бўлса, фикрни бир жойга тўплаш шунча қийин бўлади. Шунинг учун биз ўзимизни ғамгин ва янада чарчаган ҳис қиламиз.

Токчалардан иложи борича мумкин бўлган ҳамма нарсаларни йиғиштириб олинг. Майда-чуйдаларни қутиларга жойлаштиринг. Агар уйингизда ортиқча нарсалар тўпланиб қолган бўлса, вақти-вақти билан йиғиштириб туринг.

Манба: «Лайфхакер»