Дазмолнинг тагидаги қасмоқ – нафақат буюмларни, балки сизнинг кайфиятингизни ҳам бузадиган ёқимсиз нарса. Дазмолни тез-тез тозаламаслик учун уни тўғри ишлатишга ҳаракат қилинг: ҳарорат тартибига риоя қилинг ва буюмларни ёрлиқларида кўрсатилган ҳароратда дазмол қилинг. Масалан, ипак учун 110°C, пахта учун — 200°C, жунни эса яхшиси 140°C да ва ҳўл латта устидан дазмоллаган маъқул.
Дазмолни туз билан тозалаш
Дазмол тахта устига сочиқ ёки латта тўшанг. Унинг устига 1 ош қошиқ йирик туз сепинг. Дазмолни юқори ҳароратда қиздиринг, унчалик қаттиқ босмасдан туз сепилган сочиқни дазмолланг. Бунда дазмол тагидаги қасмоқ тузга ёпишиб қолади, дазмол юзаси эса аста-секин тозаланади.Дазмолни туз ва сирка аралашмаси билан тозалаш
Тенг миқдорда олинган туз ва циркани аралаштиринг ва ўртача оловда туз эригунча қиздиринг, лекин қайнатиб юборманг. Аралашмани бироз совитинг, унга латтани ботиринг ва эҳтиётлик билан дазмол тагини артинг. Кейин сиркага ботирилган бошқа латта билан эритма қолдиқларини артиб ташланг. Дазмолни ёқинг ва бутунлай тоза бўлиши учун кераксиз сочиқ ёки латтани дазмолланг.Дазмолни тиш пастаси билан тозалаш
Унчалик кўп бўлмаган миқдорда тиш пастасини дазмолнинг кирланган жойларига суринг. Бироз кутинг, кейин эса пастани латта билан артиб олинг. Дазмолни қиздиринг ва кераксиз матони дазмолланг.Дазмолни сода билан тозалаш
Содани сув билан бўтқа ҳолига келгунча аралаштиринг. Бу аралашмани латта билан дазмолнинг тагига суринг. Кейин тоза латта билан дазмол тагидаги сода қолдиқларини олиб ташланг.Манба: «Хитрости жизни»
Изоҳ (0)