Қорақалпоғистон Республикаси Нукус шаҳрида Амир Темур номидаги маданият ва дам олиш боғи анчадан буён фойдаланилмай ётган эди. Бироқ бу йил мазкур маданият боғида қурилиш, ободонлаштириш ишлари олиб борилиб, янги аттракционлар қурилди, деб хабар берди «KRuz.uz».
Мазкур дам олиш масканининг очилиш маросимида Қорақалпоғистон Республикаси Вазирлар Кенгашининг раиси Қаҳрамон Сариев, Нукус шаҳри ҳокими вазифасини бажарувчиси Сабир Нағметов ва бошқалар сўзга чиқди.
Қорақалпоғистон хабар агентлигининг маълум қилишича, Нукус шаҳар ободонлаштириш бошқармаси билан биргаликда маданият ва дам олиш олиш боғида 21 минг метр квадрат майдонга газон экилиб, сув сепиш қурилмалари ўрнатилди. Шунингдек, ички йўллар ишланиб, ўриндиқлар билан таминланди. 20 дан ортиқ аттракцион қурилди. Қурилишларни «Давлатназор оромгоҳи» МЧЖ амалга оширган.
Изоҳ (0)