Россия Шарқий ҳарбий округ бўлинмаларини ҳамкорликдаги «Селенга-2017» машғулотларида иштирок этиш учун Зуунбаян полигонига жойлаштириш якунига етди. Бу ҳақда округ матбуот хизмати маълум қилди, дея хабар берди «ТАСС».
«Бўлинмалар жанговар техникани тушириб, мўғул томони олдиндан тайёрлаб қўйган дала лагерига маршни амалга оширди. Машғулотларнинг тантанали очилиши 28 август, душанба куни бўлиб ўтади», — аниқлик киритди матбуот хизмати.
Бу йил машғулотлар илк бор Гоби саҳросининг мураккаб иқлим шароитларида ўтади. Икки давлат ҳарбийлари ноқонуний қуролли тузилмаларни бартараф этишда ҳамкорлик бўйича малакаларини оширади.
«Селенга-2017» 9 сентябргача давом этади. Унда икки томондан 1000 дан ортиқ ҳарбий иштирок этади.
Изоҳ (0)