Facebook’да хавфли вирус тарқалмоқда

Мутахассислар Facebook Messenger’да фойдаланувчиларни зарарли дастурий таъминотни ўрнатишга мажбур қилаётган хавфни аниқлади. Бу ҳақда «Касперский лабораторияси» компаниясининг блогида маълум қилинди.

Ҳуқуқбузарлар фойдаланувчининг профилига бузиб кириб, унинг дўстларига ҳавола жўнатади. Ҳаволани босган фойдаланувчи видео саҳифасига, ундан эса браузер турига қараб, тегишли «ёлғон» сайтга ўтиб қолади.

Масалан, Windows операцион тизимида Mozilla Firefox браузерини ишлатадиган фойдаланувчиларга «Flash Player’ни янгилаб ол» деган чақириқ билан зарарли файлни юклаб олиш тавсия қилинади.

Google Chrome фойдаланувчиларида эса кўриниши YouTube’га ўхшаб кетадиган, юкланишдаги хатоликни кўрсатиб турувчи сайт пайдо бўлади. Хатолик устига босишга ҳаракат қилинганда, хавфли дастур юклана бошлайди.

Хабар беришларича, мазкур хавф Linux ва Mac OS операцион тизими фойдаланувчилари орасида ҳам тарқалмоқда.