«Тахтлар ўйини»нинг янги қисми Визерион аждарининг ўлими билан ҳайратланарли бўлди. Фильмнинг асосий ёвуз қаҳрамонларидан бири бўлган Тун Қироли жанг давомида аждарни муз найза билан нишонга олди. Найзани улоқтириш спортни кузатиб борувчи сериал ишқибозларини лол қолдирди. Улар Тун Қиролини найза улоқтириш бўйича Майкл Фелпс деб атамоқда ва унинг 2020 йилда Токиода бўлиб ўтадиган Олимпиада ўйинларидаги ғалабасини кутмоқда. Учта Олимпиада иштирокчиси ва найза улоқтириш бўйича АҚШ рекордчиси Кара Уингер Тун Қиролининг техникасини батафсил таҳлил қилди, деб ёзмоқда «Sports.ru» нашри.
Найза камида 150 метрга учиб боргани ҳайратланарли — бу жаҳон рекордидан ҳам юқорироқ (эркаклар ўртасидаги рекорд — 98,48 метр). Найза нишонга теккач ҳам тўхтамади, шунинг учун узоқлик 1000 метргача етиши мумкин.Эркаклар учун мўлжалланган енгил атлетика найзасининг оғирлиги тахминан 2 фунт (800 грамм) чиқади. Муздан ясалган найза ундан анчагина оғирроқ бўлиши аниқ. Агар бундай қуролни куч билан отилса, у ўлдириш даражасидаги тезликда учади. Шундай экан, Тун Қироли натижага эришиш нуқтасини аниқ топа олди.
Техника борасида нима дейиш мумкин? У ўнг қўлини орқага олган ҳолда жуда яхши ҳолатда турди. Кадрлардан бирида найзанинг оқ учи унинг бўйни билан бир қаторда турганини кўриш мумкин. Бу айнан керак бўлган нарса.
Кейин техника тўлиқ бузилиб кетди. Улоқтиришни бошлаш тезлиги йўқ, у тезликни ҳосил қилиш учун етарлича сабр қилмади. Сўнгги лаҳзада у қўлини қисқартиради ва кўкрагини «йўқотади». Шундай қилиб, қўлини орқага олган ҳолда у яхшироқ ҳолатни эгаллади. Бироқ унинг техникаси билан тирсакни синдирмасдан туриб, найзани энг узоқ масофага улоқтириш ҳақиқатга тўғри келмайди.Унинг туриш ҳолати анчагина қўпол, бироқ юз ифодаси найзачи учун мос келади, мен бунинг учун унга очко қўшаман.
Улоқтиришда техник масаланинг кўп қисми бор. Қўлига биринчи марта найза олган ҳар қандай одам тахминан шундай кўринади. У ўзи хоҳлаган ишни қила олди, бироқ бунда қандайдир сунъий нарса бор, балки допинг. Бундай техника билан унинг эришган натижаси ишонарсиз. Уни допинг текширувидан ўтказиш керак.Кара Уингер, найза улоқтириш бўйича АҚШ рекордчиси
Изоҳ (0)