Қуйидаги фойдали маслаҳатларимиз сизга ошхонадаги муаммолардан қутулишга ёрдам беради.
Шиша това
Бирор нарса пиширганингиздан кейин шиша товани тез тозалашни хоҳлайсизми? Оддий зарқоғоз (фольга)дан фойдаланинг. Уни ғижимланг ва губка сифатида ишлатинг.Ёқимсиз ҳидлар
Ошхонадан келадиган ёқимсиз ҳидларга қарши курашмоқчимисиз? Лимон ёки апельсин пўчоғини ёқинг — бу ёқимсиз ҳидларни кетказишнинг энг осон ва амалий усулларидан бири.Ошхона плитаси
Плита устига фольга тушанг. Овқат тайёрлаб бўлганингиздан кейин кир бўлган фольгани олиб ташланг.Янги идиш устидаги ёрлиқлар
Деярли ҳамма янги идишларга ёрлиқлар ёпиштирилган бўлади. Ёрлиқларни олиб ташлаш учун уларга олдиндан хоҳлаган ўсимлик ёғидан суриб қўйинг. Бир-икки дақиқа қолдиринг, кейин эса илиқ сув билан ювинг. Ёрлиқ ҳеч қандай ёпишқоқ из қолдирмасдан олинади.Ялтиллаган раковина
Раковина юзасини туз ва лимон билан ишқаласангиз — у рангини ўзгартиради, ялтираб кетади.Дастурхондаги вино ва мураббо доғлари
Доғларни кетказиш учун матони таранг тортинг ва доғ устига бир неча дақиқа давомида қайнаётган сув қуйиб туринг.Кирланган губкалар ва латталар
Ҳаммага маълумки, идишларни ювадиган губкаларнинг хизмат кўрсатиш муддати узоқ эмас. Уларни ҳар ҳафта алмаштириш лозим. Лекин шундай ҳолатлар бўладики, яп-янги губка билан бирорта ёпишқоқ ёки ёғли нарсани артишга тўғри келиб қолади... Ташлаб юбориш керакми? Шошилманг: губка ёки латталарни идиш ювадиган машинада 40 дақиқа давомида ювинг, улар янгидек бўлади.Манба: «Хитрости жизни»
Изоҳ (0)