КХДРда Корея ярим ороли иккига бўлинганидан сўнг қолган америкалик охирги қочоқ Жеймс Жозеф Дреснок 2016 йили, ўлимидан олдин буюк доҳий Ким Чен Инга содиқлиги ҳақида гапирган. Бу ҳақда унинг катта ўғли Сингапурнинг Channel News Asia телеканалига маълум қилди, дея хабар беради «Интерфакс».
«Республика отамизга эътибор қаратарди. У 74 ёшида вафот этгунига қадар партиядан фақат эъзоз ва ғамхўрлик кўрди», — деди Тед Дреснок.
1962 йилда Жеймс Дреснок АҚШ ҳарбий трибуналидан қочиб, Жануб ва Шимолни ажратиб турган зонадан ўтганди. Унга кўра, бу қарорга келган пайт бошқа чораси қолмаган, устига-устак, хотини ҳам ташлаб кетганди. Шимолий Корея аскарлари қўлига тушганидан сўнг аввалига уни отиб ташламоқчи бўлишди, бироқ кейин Пхеньянга сўроқ учун элтишга қарор қилинди.
Жеймс корейс тили ва урф-одатларини ўрганди. Инглиз тилидан дарс берди, Шимолий Корея раҳбарлари асарларини инглиз тилига ўгирди.
Дреснок бу ерда яна бир неча америкалик қочоқларни учратди. Уларнинг барчаси оламдан ўтди, энг таниқлиси — Чарльз Женкинс эса олдинроқ япон рафиқаси билан Японияга кўчиб ўтганди.
Изоҳ (0)