Анатолий Антонов Россиянинг АҚШдаги янги элчиси этиб тайинланди

Владимир Путин ташқи ишлар вазирининг ўринбосари Анатолий Антоновни Россиянинг АҚШдаги янги элчиси этиб тайинлади. Бу ҳақда Meduza хабар бермоқда.

Антонов бу лавозимда 2008 йилдан бери ишлаб келган ва энди сенатор бўлиши кутилаётган Сергей Кислякни алмаштиради.

Анатолий Антонов 30 йилдан кўпроқ дипломат бўлиб ишлаган. У ўтган йил декабрида ТИВга қайтганди. Бунгача 5 йил давомида Россия мудофаа вазирининг ўринбосари сифатида халқаро ҳамкорлик йўналишига раҳбарлик қилган.