Германияда суриялик қочоқлар янги туғилган қизалоққа Ангела Меркель Муҳаммад исмини қўйди
Германиянинг ғарбида қочоқ сифатида яшаётган суриялик жуфтлик янги туғилган қизчасига Германия канцлери номини берди. Мюнстер шаҳрида 16 августда туғилган қизнинг тўлиқ исми — Ангела Меркель Муҳаммад. Бу ҳақда «ТАСС» хабар берди.
Қочоқлар Суриядан Германияга 2015 йилда Болқон йўналиши бўйлаб кириб келган. Муҳожирлар Германия ҳукумати раҳбарининг араб мамлакатлари фуқароларига чегараларни очиш ҳақидаги қароридан сўнг Европага интила бошлади. Инқироз чўққисига чиққан вақтда Германияга бир кунда 10 мингтагача қочоқ кириб келган. Шу сабабли бир муддат Меркелнинг сиёсий рейтинги пасайди, фуқароларнинг унинг ҳукумати фаолиятига нисбатан норозилиги кучайди. Вақт ўтиши билан инқироз чекинди.
Муқаддас Франциска клиникаси вакилининг хабар беришича, ўз қизига Германия канцлери исмини қўйган суриялик оила ҳукумат раҳбарига ўз миннатдорчилигини билдирди. Ангела қизчанинг исми, Меркель эса унинг иккинчи исми ҳисобланади.
Бу биринчи ҳолат эмас. 2015 йилда Ганадан келган оила миннатдорчилик сифатида янги туғилган қизига Ангела Меркелнинг исмини қўйган эди.
