Франциянинг «ПСЖ» клубига шов-шувли трансфер бўлган Неймар парижликларнинг кетма-кет икки ўйинида майдонга тушди ва 3 та гол уришга муваффақ бўлди.
Неймар «Амьен» клубига қарши 2:0 ҳисоби билан якунига етган учрашувни қўйиб юборганди. Кейинроқ «ПСЖ» у ҳаракат қилган беллашувда «Генгам» устидан 3:0 ҳисобида, «Тулуза» устидан 6:2 ҳисобида зафар қучди.
Ўзининг дебют ўйинида Неймар Эдинсон Каванининг голига пас берди. Кейинроқ унинг пасидан сўнг гол урди. «Тулуза» билан ўйинда ҳужумчи бирйўла дубл қайд этди. Адриен Рабьо ҳамда Лейвин Кюрзаванинг голларига пас берди. Ҳисоб 2:1 бўлиб турганида парижликлар майдонда бир киши кам қолган бўлса-да, меҳмонлар мезбонларни тўхтатиб қололмади.
Франция чемпионати 3-тур ўйини 21 август, душанба
«ПСЖ» — «Тулуза» 6:2
Голлар: Макс Градель, 18 (0:1). Неймар, 31 (1:1). Адриен Рабьо, 35 (2:1). Эдинсон Кавани, 74-пен (3:1). Кристофер Жюлен, 78 (3:2). Хавьер Пасторе, 82 (4:2). Лейвин Кюрзава, 84 (5:2). Неймар, 90+2 (6:2).Неймарни бой берган «Барселона» ҳозиргача 3 та расмий ўйин ўтказиб, уларнинг 2 тасида асосий рақобатчиси бўлган «Реал»га имкониятни бой берди: 1:3, 0:2.
Изоҳ (0)