Ўзбекистон Президенти Шавкат Мирзиёев 16 август куни таълим тизимида олиб борилаётган ишлар юзасидан масъулларнинг ҳисоботларини тинглаш мақсадида мажлис ўтказган эди.
Мажлисда Президент ўқувчиларнинг формаси масаласига ҳам тўхталиб ўтди. Шавкат Мирзиёевнинг фикрича, мактаб ва коллежларда ўқувчиларнинг бир хил формаси бўлмоғи лозим. Бу жамиятда маърифатли, адолатли ва тенг ҳуқуқли муҳит яратишга ёрдам беради.
Ўзбек менталитетини инобатга олиб, мактабда, коллежда ўқувчиларнинг формаси бўлиши керак. Буни қилмасак бўлмайди. Чет элларда, мисол учун, Туркияда ўқувчилар 100 фоиз формада. Тўғрими? Англияда 100 фоиз формада. Бунда гап улардан ўрганишимиз кераклиги ҳақида эмас.Ота-она барибир шу формани олади, лекин сифатсиз формани оляпти, пули кетяпти. Тўғрими? Мана шу нарсалар мени мутлақо қониқтирмайди. Форма кийган боланинг маънавияти ўзгаради, маърифати ўзгаради. Масъулияти ва жавобгарлиги ҳам ўзгаради.
Иккинчидан, жамиятимиздаги энг катта масала — бой билан камбағал орасидаги муносабат. Оддий оиланинг оддий кийинган боласи яхши кийинган боладан ғаши келади. Биз унга ёшликдан жафолат туғдирамиз, маърифат эмас — жафолат туғилади. Мана шу жафолатни йўқ қилишимиз керак.
Мактабдан кейин нима кийса — тилло кийим кийса ҳам [кияверсин], бу энди Худо берган дунёқараши, касб-кори, топиш-тутишига қараб. Мактабда эса ҳаммани иложи борича бир хил кийинтира билишимиз керак десак, бу жамиятимиздаги маърифатли, адолатли, тенг ҳуқуқли муҳит олади.
Шавкат Мирзиёев, Ўзбекистон Президенти
Изоҳ (0)