Туризмни ривожлантириш давлат қўмитаси Ўзбекистонга 14 август куни етиб келган Қозоғистоннинг «Буюк Ипак йўли бўйлаб» телелойиҳаси ташкилотчиси — Almaty nomad суратга олиш гуруҳига кўмак кўрсатмоқда. Бу ҳақда «Review.uz» хабар бермоқда.
Лойиҳа мақсади автотуризм имкониятларини очиш, Ўзбекистон ва Жанубий Қозоғистоннинг гўзал манзараларини кўрсатиш, минтақанинг қадимий тарихи ҳақида ҳикоя қилиш ва томошабинларни бу манзилларга сайёҳат қилишга ундашдан иборат.
Сайёҳлар — журналист Алибек Бегалинов, таниқли блогер Санжар Алтаев ва уларнинг дўстлари Туркистон, Тошкент, Самарқанд ва Бухорода бўлади.
Сафар давомида тўпланган материаллар Қозоғистоннинг етакчи ОАВлари — «Мир» ва «Олмаота» телеканалларида намойиш этилади, Bnеws агентлиги, Thе Stеppе, Solomon медиа порталлари, шунингдек, ижтимоий тармоқларда жойлаштирилади.
Лойиҳа аудиторияси 5 миллион кишини ташкил этиши кутилмоқда.
Изоҳ (0)