Қирғизистон пойтахти Бишкекда Ўзбекистон—Қирғизистон ҳукуматлараро комиссиялари мажлиси бўлиб ўтди, дея хабар бермоқда «Ўзбекистон 24» телеканали.
Мажлисда сўз олган Ўзбекистон бош вазири Абдулла Арипов ўзбек ва қирғиз халқларининг азалий қардошлик муносабатлари, урф-одат ва анъаналари ўхшашлиги ўзаро ҳамкорликни изчил ривожлантиришда муҳим омил бўлаётганини қайд этди.
Кейинги пайтларда икки давлат ўртасидаги алоқалар сезиларли даражада фаоллашди. Давлат раҳбарларининг мулоқотлари, ҳукуматлар ва ҳудудлар даражасида делегациялар алмашинуви амалга оширилмоқда.Ўзбекистон томони икки мамлакатнинг маданий-гуманитар йўналишдаги ҳамкорлигини ривожлантириш учун бор куч ғайратини сарфлашга тайёрлигини билдирган.Ҳукуматлараро комиссия мажлиси сўнгги марта 2009 йилда ўтказилган эди. Бу мулоқот эса орадаги бўшлиқни тўлдириш учун қулай имкониятдир. Икки давлат кўплаб соҳаларда ҳамкорлик қилиб келмоқда. Ўзаро товар айирбошлаш ҳажмини йил сайин ортишидан икки томон ҳам манфаатдор.
Абдулла Арипов, Ўзбекистон бош вазири
Хусусан, 2017 йили Қирғизистонда Ўзбекистон маданияти кунларини, 2018 йили эса Ўзбекистонда Қирғизистон маданияти кунларини ўтказиш таклиф қилинган.
Шунингдек, мулоқот чоғида кинематография соҳасида ҳам ўзаро алмашинувни кўриб чиқиш лозимлиги алоҳида қайд этиб ўтилган.
Изоҳ (0)