Самарқандда «Нол» харид қийматида бепул берилиши белгиланган давлат мулки объектлари бўйича очиқ танлов бўлиб ўтади

Хусусийлаштирилган корхоналарга кўмаклашиш ва рақобатни ривожлантириш давлат қўмитаси Самарқанд вилоят ҳудудий бошқармаси инвестиция мажбуриятларини бажариш шарти билан «нол» қийматда танлов савдоларига чиқарилган давлатга тегишли бино-иншоотлар бўйича 2017 йил 5 сентябрь куни ўтказиладиган танлов савдоларига таклиф этади.

«Нол» қийматда бериладиган давлат мулки объектларининг танлов савдоларида танлов шартлари доирасида иштирок этиш истагини билдирган талабгорларнинг буюртманомалари Самарқанд шаҳри, Мир Саид Барака кўчаси, 49-уй манзилида қабул қилинади. Буюртманомаларни қабул қилиш 2017 йилнинг 31 август соат 18:00 га қадар давом этади.

Танлов савдолари натижалари бўйича ғолиблик баённомаси имзоланган санадан бошлаб 20 кундан кечикмай олди-сотди шартномаси тузилади. Инвестиция киритиш мобайнида яратилган иш ўринлари, фаолият кўрсатиш йўлга қўйилгандан сўнг кейинги 1 (бир) йил давомида сақланади.

Танловда ғолиб деб топилган талабгор шартнома имзолангандан кейин 30 кун муддат ичида танлов объектини мустақил баҳоловчи ташкилот томонидан баҳолатади, бунда баҳолашга кетадиган сарф-ҳаражатлар танлов ғолиби томонидан қопланади.

Мурожаат учун телефонлар: 0366-233-19-45; 0366-210-10-21; 0366-233-73-54.

Танловга қуйидаги бинолар қуйилган:

1. Самарқанд шаҳар, Рудакий кўчаси 22-уйда жойлашган 70-сонли MTMнинг бўш турган бино ва иншоотлари

2. Самарқанд шаҳар, Нарпай кўчасида жойлашган собиқ мусиқа ва санъат мактаби бўш турган бино ва иншоотлари

3. Самарқанд шаҳри, Зиёкорлар кўчаси, 1-уйда жойлашган собиқ спортзал бино ва иншоотлари

4. Самарқанд шаҳри, Хўжа Аҳрор Валий кўчасидаги бўш турган тўрт қаватли собиқ наркология диспансери биноси

5. Каттақўрғон шаҳри О.Мирий кўчаси, 129-уйда жойлашган «Қон қуйиш бўлими» бўш турган бино ва иншоотлари

6. Каттақўрғон шаҳри А.Навоий кўчаси, 177-уйда жойлашган собиқ «Сил касалликлари диспансери» бўш турган бино ва иншоотлари

7. Каттақўрғон шаҳри «А.Навоий» кўчаси 156-уйда жойлашган, кўп тармоқли Марказий поликлиникага қарашли бўш турган бино ва иншоотлари

8. Жомбой туман, Ўрмон хўжалиги, «Галакапа» қишлоғида жойлашган собиқ «Қалдирғоч» Болалар оромгоҳи

9. Оқдарё тумани, «Мойқовоқ» МФЙда жойлашган Собиқ клуб биноси

10. Оқдарё тумани, Амир Темур кўчаси, 36-уйда жойлашган Автомобиль ва қишлоқ хўжалик машиналари парки биноси

11. Пастдарғом тумани, «Санчиқул» ҚФЙда жойлашган собиқ 88534-сонли ҳарбий қисмга тегишли бўлган бўш турган бино ва иншоотлар

12. Тайлоқ туман, «Адас» МФЙ, «Сариосиё» қишлоғида жойлашган 24-сонли умумтаълим мактабининг эски биноси

13. Тайлоқ тумани, «Ғўлба» ҚФЙда жойлашган «Собиқ сил касалликлари шифохонаси» биноси 1,2,3-қисмлари

14. Қўшработ туман, «Робот» қишлоғида жойлашган «Маънавият ва маърифат маркази» бўш турган биноси

15. Қўшработ туман, «Робот» қишлоғида жойлашган фойдаланилмасдан бўш турган «Маъмурий бино»

16. Қўшработ туман, «Саксончел» қишлоғида жойлашган «Саксончел» ҚФЙ маъмурий биноси