Шавкат Мирзиёев Ҳиндистон президентига ҳамдардлик мактуби йўллади

Ўзбекистон Президенти Шавкат Мирзиёев Ҳиндистон президенти Рам Натх Ковиндга Химачал-Прадеш штатида юз берган ер кўчиши оқибатида кўплаб инсонлар ҳалок бўлгани муносабати билан чуқур таъзия изҳор этилган мактуб йўллади. Бу ҳақда Ўзбекистон ТИВ матбуот хизмати маълум қилди.

Давлат раҳбари ўз мактубида Рам Натх Ковинд ва у орқали Ҳиндистон халқи, марҳумларнинг оила аъзолари ҳамда яқинларига ҳамдардлик билдирди.

Эслатиб ўтамиз, олдинроқ Ҳиндистон шимолида кўчки оқибатида икки автобусда ўтирган ўнлаб одамлар ҳалок бўлгани ҳақида хабар берилганди.