NASA Марс узра сузаётган булутларнинг Curiosity марсоходи олган тасвирларини эълон қилди, деб хабар берди «Daily Afisha».
Суратлар жорий йилнинг 17 июль тонгида олинган. Олимлар суратларни бир-бирига улаб, gif-тасвирлар тайёрлаган.
Уларнинг биринчисида Марс юзасидан сузиб ўтаётган булутларни кўриш мумкин. Curiosity’нинг камераси суратга олиш вақтида вертикал тарзда юқорига йўналтирилган бўлган.
Иккинчи gif-тасвирдаги суратларни олаётганида марсоход ўз камерасини тушириб, уни сайёранинг жанубий уфқи томон йўналтирган.
Олимларнинг ҳисоблашича, Марс булутлари муз кристалларидан ташкил топган ва улар атмосферанинг совуқ қатламида ҳосил бўлади. Ерга нисбатан олганда улар жуда баландда пайдо бўлади, Марс шароитида эса уларнинг баландлигини ҳозирча ўлчаш имкони бўлмаган.
Мавзуга доир: Curiosity’нинг Марсдаги беш йили
Изоҳ (0)