АҚШда полициячининг талаби туфайли ҳижобини ечишга мажбур бўлган мусулмон аёл суд орқали 85 минг доллар ундирди

Лонг-Бич шаҳри маъмурияти (АҚШ, Калифорния штати) полициячи мусулмон аёлдан ҳижобини ечишни талаб қилгани сабаб юзага келган суд даъвосини қондириш учун 85 минг доллар тўлайди. Бу ҳақда CNN телеканалига таяниб, «Интерфакс» хабар берди.

Суд даъвосига кўра, Кирсти Пуэлл ва унинг турмуш ўртоғи автомобилда кетаётганида полиция томонидан тўхтатилган.

Пуэлл йўловчи бўлган, бироқ полициячи аёл Пуэллнинг дўконда ўғрилик содир этгани учун ёзилган ордерини топиб олгач уни ҳибсга олган.

Пуэллнинг эри, ҳибсни расмийлаштиришни сўраган, аммо унинг талаби қондирилмаган. Шундан сўнг офицер Пуэллга ҳижобни ечиш кераклигини айтган. «Пуэлл одамларга диний рўмолисиз кўринишга мажбур бўлган», — дейилади суд даъвосида.