АҚШ президенти Дональд Трамп Владимир Путинни Американинг Россиядаги элчихонаси ходимларини қисқартириш ҳақидаги талаби учун миннатдорчилик билдирганида, аслида киноя қилган. Бу ҳақда CBS мухбири Маргарет Бреннан Оқ уй вакилига асосланиб ўзининг Twitter’даги саҳифасига ёзган, деб хабар берди «РИА Новости».
«Оқ уй вакилининг айтишича, Трамп Путинни Россиядаги Америка элчихонаси ходимларини қисқартиргани учун миннатдорчилик билдирганида, аслида киноя қилган», — деб ёзади журналист.
10 август, пайшанба куни Трамп Путинга Россиядаги элчихонаси ходимларини қисқартиргани, бу эса сарф-харажатларни камайишига олиб келиши учун миннатдорчилик билдирганди.
ОАВ маълумотларига кўра, Оқ уй раҳбарининг гап-сўзларини Американинг хорижда ишлайдиган дипломатларидан бири «ғазабни қўзғовчи» дея атаган. Давлат департаментининг яна бир ходими эса АҚШ президентининг гапидан кўпчиликни тушкунликка туширганини маълум қилган. «Барча ҳайратда. Ушбу баёнот жуда содда ва узоқни кўрмасдан берилган. Бу бизнинг жойлардаги барча ходимларимизга дахшатли сигнал», — дея таъкидлади дипломат.
Эслатиб ўтамиз, Россия президенти Владимир Путин АҚШга қарши янги чоралар доирасида 755 нафар америкалик дипломат Россиядан чиқариб юборилиши ҳақида қарор қабул қилган эди.
Изоҳ (0)