Ҳиндистоннинг Уттар Прадеш штатидаги давлат касалхонасида кислород етишмаслиги сабаб камида 30 нафар бола ҳалок бўлди. Бу ҳақда «Синьхуа» агентлигига таяниб, «Интерфакс» хабар берди.
Болалар штатдаги энг катта шифохонада — BRD тиббиёт коллежида вафот этган. Маҳаллий амалдорлардан бирининг сўзларига кўра, кислород баллонларини етказиб берувчи хусусий фирма тўлов амалга оширилмагани сабаб шартноманинг ўзи бажариши керак бўлган қисмини бажаришдан бош тортган. Ўлим ҳолатлари пайшанбадан бошланган.
Соғлиқни сақлаш вазирлигининг маълум қилишича, болаларнинг ҳалок бўлишига кислород билан боғлиқ муаммолар сабаб эмас. Шунингдек, у тергов ишларидан сўнг аниқ сабаблар маълум бўлишига аниқлик киритди.
Изоҳ (0)