2014 йил Profi Education ва Mail.ru group’нинг Ўзбекистондаги расмий ваколатхонаси биргаликда itest.uz сайтини ишга туширганлиги ҳақида хабарлар тарқалган эди. Бу сайтда асосан online тестлар ва видео дарслар сотиларди.
Яқинда Profi Education Mail.ru group вакилининг itest.uz даги улушини катта маблағ ҳисобига сотиб олди ва видео дарсларни барча учун бепул қилди. Энди абитуриентлар, ўқувчилар ёки умуман олганда Ўзбекистон аҳли Profi Education’нинг видео дарсларини YouTube’даги канали орқали бепул томоша қилиши ва бевосита ўқитувчиларга савол йўллаши мумкин.
«Биз таълимни ҳаммабоп ва қулай қилиш ҳаракатидамиз, агар бизнинг мана шу ҳаракатларимиз натижасида халқимиз саводхонлиги озгина бўлса ҳам яхши томонга ўзгарса, биз бундан хурсанд бўламиз», — дейди Profi Education раҳбари.
Шунингдек, ушбу лойиҳанинг яқин ҳамкори «Daryo.uz» сизга ҳар бир янги видео дарс ҳақида хабар бериб боради.
Изоҳ (0)