2014-yil Profi Education va Mail.ru group’ning O‘zbekistondagi rasmiy vakolatxonasi birgalikda itest.uz saytini ishga tushirganligi haqida xabarlar tarqalgan edi. Bu saytda asosan online testlar va video darslar sotilardi.
Yaqinda Profi Education Mail.ru group vakilining itest.uz dagi ulushini katta mablag‘ hisobiga sotib oldi va video darslarni barcha uchun bepul qildi. Endi abituriyentlar, o‘quvchilar yoki umuman olganda O‘zbekiston ahli Profi Education’ning video darslarini YouTube’dagi kanali orqali bepul tomosha qilishi va bevosita o‘qituvchilarga savol yo‘llashi mumkin.
“Biz ta’limni hammabop va qulay qilish harakatidamiz, agar bizning mana shu harakatlarimiz natijasida xalqimiz savodxonligi ozgina bo‘lsa ham yaxshi tomonga o‘zgarsa, biz bundan xursand bo‘lamiz”, — deydi Profi Education rahbari.
Shuningdek, ushbu loyihaning yaqin hamkori “Daryo.uz” sizga har bir yangi video dars haqida xabar berib boradi.
Izoh (0)