Фарғона вилояти Қува туманидаги Мингчинор қишлоғида 6 август куни соат 20:30 да Damas автомашинасида тўрт киши тириклайин ёниб кетди. Бу ҳақда «1news.uz» хабар берди.
Ҳодиса гувоҳларининг сўзларига кўра, Damas Captiva билан тўқнашиб кетган.
«Тўқнашувдан кейин Damas ёна бошлади, унинг ичида ҳайдовчи ва уч нафар йўловчи бор эди. Ёнғин оқибатида Damas’нинг салонидаги кишилар тириклайин ёниб кетди», — деди ЙТҲ гувоҳларидан бири.
Мазкур ҳолат бўйича жиноий иш қўзғатилган, тергов ҳаракатлари олиб борилмоқда.
Изоҳ (0)