«Олам табассуми 2017» халқаро гўзаллик танлови ташкилий қўмитаси лойиҳа финалида Ўзбекистон номидан қатнашадиган финалчилар исм-шарифларини эълон қилди, деб ёзади «Nuz.uz».
Булар тошкентлик Лайло Мусаева ва Мадина Рашидовалардир.
Лойиҳанинг асосий вазифаси — сайёрадаги турли халқлар ўртасида дўстликни мустаҳкамлаш. Танлов табассум, меҳр ва атрофимиздаги кишиларга ғамхўрлик билан муносабатда бўлишни урфга киритиш мақсадида ўтказилмоқда, дейилади хабарда.
Лойиҳа мақсади — дунёнинг турли бурчакларидан энг мафтункор табассумга эга қизлар ва аёлларни қидириб топиш.
Айни пайтда танловнинг Австралия, Қозоғистон, Россия ва литвалик финалчилари аниқланган.
Августда барча финалчилар аниқланганидан сўнг, ҳакамлар оламнинг учта энг гўзал табассум соҳибаларини аниқлайди. Мутлақ ғолиб 2000 доллар пул мукофотидан ташқари, халқаро гўзаллик танловлари ҳакамлар ҳайъати таркибида қатнашиш ва ижтимоий лойиҳаларда иштирок этиш ҳуқуқини қўлга киритади.
Изоҳ (0)