Ўзбекистон Мустақиллигининг 26 йиллигини нишонлашга тайёргарлик кўриш ва ўтказиш давомида ҳуқуқбузарликнинг олдини олиш ва фуқаролар томонидан паспорт-виза қоидаларига риоя этилишини таъминлаш бўйича Андижон вилоятида «Тозалаш-Антитеррор» тадбири ўтказилмоқда. Бу ҳақда Андижон вилояти ИИБ хабар берди.
Ўтказилган текширувлар давомида 4052 та маъмурий ҳуқуқбузарлик аниқланди. Шулардан, 1512 таси «Паспорт-виза» тартибларига оид ҳуқуқбузарликларни ташкил қилди. Маъмурий ҳуқуқбузарлик содир этган 9 нафар шахс маъмурий тартибда қамоққа олинди.
Ўзбекистон Республикасида бўлиш қоидаларини бузган 9 нафар чет эл фуқароси белгиланган тартибда республика ҳудудидан чиқариб юборилди.
Ҳуқуқбузарлик содир этганлиги ёки ўзини шубҳали тутганлиги учун 8164 нафар шахс ИИБ ва Таянч пунктларига келтирилиб, улар билан «Саралаш гуруҳлари» томонидан тезкор профилактик суҳбатлар олиб борилди.
Турли сабабларга кўра, ички ишлар идораларига келтирилган 3510 нафар шахсдан бармоқ излари ва фото суратлари олиниб, вилоят ИИБ ЭКБ базасига киритилди.
Тадбир давомида даволанишга муҳтож бўлган жами 73 нафар шахс мажбурий тартибда даволаниши учун соғлиқни сақлаш муассасаларига жойлаштирилди. Жумладан, ичкиликка ружу қўйган 56 нафар, гиёҳвандлик касалига мубтало бўлган 4 нафар, ижтимоий хавфли руҳий касал бўлган 13 нафар шахс.
Изоҳ (0)