3 август куни RC Cola — ҳақиқий Америка таъми, асл Америка бренди фаолиятини йўлга қўйилиши муносабати билан тантанали маросим бўлиб ўтди. Ичимлик Ўзбекистонда Family Group МЧЖ қўшма корхонасининг ишлаб чиқариш қувватлари негизида истеъмолчиларга тақдим этилади.
Royal Crown Cola номи билан ҳам машҳур RC Cola, АҚШнинг Жоржия штатида 1905 йилда колумбиялик фармацевт Клауд А. Хетчер томонидан ишлаб чиқилган газланган ичимликдир. Бугунги кунда RC Cola дунёнинг 55 дан ортиқ мамлакатида истеъмол қилинади. Royal Crown Cola International маҳсулоти эса уни қуйиш ва сотиш бўйича 100 дан ортиқ заводларни ўз ичига олган глобал тармоқ орқали сотилади. Ўзбекистонда RC Cola Family Group МЧЖ ҚКнинг ишлаб чиқариш қувватлари негизида ишлаб чиқарилади, бунинг учун заводнинг ишлаб чиқариш цехи компания амал қиладиган халқаро стандартларга жавоб берувчи энг замонавий ускуна билан жиҳозланди. Ичимликни тайёрлаш учун хом ашё тўғридан тўғри АҚШнинг Жоржия штатидан етказиб берилади ва пухта сифат назоратидан ўтказилади.
Ўзбекистон вакиллари янги йўналишда фаолият бошланишини нафақат газланган ичимликлар орасидаги энг нуфузли халқаро бренднинг кириб келиши нуқтайи назаридан, балки 200 дан ортиқ ишчи ўринларини яратиш, Ўзбекистон иқтисодиётига йирик ҳажмдаги сармоя киритиш, шунингдек, маҳаллий компаниялар билан ҳамкорлик қилишни истаган хорижий брендларга нисбатан қулайликлар яратиш ва биргаликда сифатли, рақобатбардош маҳсулот ишлаб чиқариш нуқтаи назаридан баҳолашмоқда.
Биз ўз маҳсулотимизни ишлаб чиқаришга катта масъулият билан ёндашамиз ва газланган ичимликлар бозорини ўзлаштириш бўйича ўз олдимизга улкан мақсадларни қўйганмиз. Хусусан, маҳсулот сотишда устунликка эришиш ва истеъмолчиларга RC Cola — бу ҳақиқий Америка таъмига эга Америка савдо белгиси эканлигини етказиб беришдир. Ўзи учун янги бўлган бозорга эндигина кириб келаётган ҳар бир бренд каби биз ҳам мавжуд мураккабликларга қарамай, рад этиб бўлмайдиган қатор афзалликларга эгамиз: RC Cola — бу кўп йиллардан буён кола таъмига эга газланган ичимликлар глобал бозорида пешқадамлар учлигига мустаҳкам равишда кирувчи халқаро савдо белгиси, бизга RC Cola International гуруҳи узлукусиз равишда ёрдам бериб туради, шунингдек, Family Group’да йўлга қўйилган ишлаш механизми ва унинг ривожланган инфратузилмаси биз учун катта ёрдам бўлади.«RC Cola анча вақтдан буён Россия, Грузия, Тожикистон ва МДҲнинг бошқа мамлакатлари бозорларида мавжуд. Биз Family Group компанияси тимсолида ривожланган сотув тармоғига эга ишончли ҳамкорлар топганимиздан мамнунмиз, у бизга Ўзбекистон бозорида тез ва самарали ишлашга имкон беради. Coca-Cola ва Pepsi савдо белгилари билан кескин рақобат масаласини четлаб ўтишнинг имкони йўқ, аммо бизнинг асосий афзалликларимиздан бири бу анъанавий Америка коласиниг таъмини сақлашимизда, унинг ўзига хос тайёрлаш усулини узоқ йиллар давомида сақлаб келишимизда, деб ҳисоблаймиз», — дея қайд этди RC Cola International маркетинг бўлимининг вице-президенти Моши Коэн.Шоҳрух Низамутдинов, RC Cola Узбекистан вакили
RC Cola Launch тадбирига таклиф этилган ҳамкорлар ва ОАВ вакилларидан ташқари, АҚШнинг Ўзбекистондаги элчиси Памела Спратлен, RC Cola International президенти Эдмунд О Киффи, RC Cola International маркетинг бўлимининг вице-президенти Моши Коэн, шунингдек, Ўзбекистон савдо-саноат палатаси вакили Адҳам Икромов, «Ўзбекозиқовқатхолдинг» раиси Тоҳиржон Жалилов ва Бектемир тумани ҳокими Шопўлат Асқаров қатнашдилар.
Реклама ҳуқуқи асосида!
Изоҳ (0)