2017 йилнинг 7 август куни Ўзбекистон Республикаси Ташқи ишлар вазирлигида Сербия Республикаси Ташқи ишлар вазирлиги сиёсий директори, президентнинг махсус вакили Зоран Вуйич билан учрашув бўлиб ўтди, деб хабар берди вазирлик матбуот хизмати.
Суҳбат давомида икки томонлама муносабатларга доир масалар муҳокама қилинди. Асосий эътибор сиёсий, савдо-иқтисодий, инвестицион, маданий-гуманитар ва бошқа соҳалардаги ҳамкорликни ривожлантиришнинг истиқболли йўналишларига қаратилди.
Музокаралар чоғида Ўзбекистон—Сербия ҳамкорлигининг шартномавий-ҳуқуқий базасини шаклантиришдаги қўшма ишлар бориши батафсил кўриб чиқилди.
Сербия томони 2017 йилнинг август ва ноябрь ойларида Самарқанд шаҳрида бўлиб ўтадиган «Жаҳон тамаддуни тарихида Марказий Осиё ренессанси» ва «Марказий Осиё: умумий ўтмиш ва муштарак келажак, барқарор ривожланиш ва тараққиёт йўлида ҳамкорлик» халқаро конференцияларига таклиф қилинди.
Изоҳ (0)