3-avgust kuni RC Cola — haqiqiy Amerika ta’mi, asl Amerika brendi faoliyatini yo‘lga qo‘yilishi munosabati bilan tantanali marosim bo‘lib o‘tdi. Ichimlik O‘zbekistonda Family Group MChJ qo‘shma korxonasining ishlab chiqarish quvvatlari negizida iste’molchilarga taqdim etiladi.
Royal Crown Cola nomi bilan ham mashhur RC Cola, AQShning Jorjiya shtatida 1905-yilda kolumbiyalik farmatsevt Klaud A. Xetcher tomonidan ishlab chiqilgan gazlangan ichimlikdir. Bugungi kunda RC Cola dunyoning 55 dan ortiq mamlakatida iste’mol qilinadi. Royal Crown Cola International mahsuloti esa uni quyish va sotish bo‘yicha 100 dan ortiq zavodlarni o‘z ichiga olgan global tarmoq orqali sotiladi. O‘zbekistonda RC Cola Family Group MChJ QKning ishlab chiqarish quvvatlari negizida ishlab chiqariladi, buning uchun zavodning ishlab chiqarish sexi kompaniya amal qiladigan xalqaro standartlarga javob beruvchi eng zamonaviy uskuna bilan jihozlandi. Ichimlikni tayyorlash uchun xomashyo to‘g‘ridan to‘g‘ri AQShning Jorjiya shtatidan yetkazib beriladi va puxta sifat nazoratidan o‘tkaziladi.
O‘zbekiston vakillari yangi yo‘nalishda faoliyat boshlanishini nafaqat gazlangan ichimliklar orasidagi eng nufuzli xalqaro brendning kirib kelishi nuqtayi nazaridan, balki 200 dan ortiq ishchi o‘rinlarini yaratish, O‘zbekiston iqtisodiyotiga yirik hajmdagi sarmoya kiritish, shuningdek, mahalliy kompaniyalar bilan hamkorlik qilishni istagan xorijiy brendlarga nisbatan qulayliklar yaratish va birgalikda sifatli, raqobatbardosh mahsulot ishlab chiqarish nuqtai nazaridan baholashmoqda.
Biz o‘z mahsulotimizni ishlab chiqarishga katta mas’uliyat bilan yondashamiz va gazlangan ichimliklar bozorini o‘zlashtirish bo‘yicha o‘z oldimizga ulkan maqsadlarni qo‘yganmiz. Xususan, mahsulot sotishda ustunlikka erishish va iste’molchilarga RC Cola — bu haqiqiy Amerika ta’miga ega Amerika savdo belgisi ekanligini yetkazib berishdir. O‘zi uchun yangi bo‘lgan bozorga endigina kirib kelayotgan har bir brend kabi biz ham mavjud murakkabliklarga qaramay, rad etib bo‘lmaydigan qator afzalliklarga egamiz: RC Cola — bu ko‘p yillardan buyon kola ta’miga ega gazlangan ichimliklar global bozorida peshqadamlar uchligiga mustahkam ravishda kiruvchi xalqaro savdo belgisi, bizga RC Cola International guruhi uzlukusiz ravishda yordam berib turadi, shuningdek, Family Group’da yo‘lga qo‘yilgan ishlash mexanizmi va uning rivojlangan infratuzilmasi biz uchun katta yordam bo‘ladi.“RC Cola ancha vaqtdan buyon Rossiya, Gruziya, Tojikiston va MDHning boshqa mamlakatlari bozorlarida mavjud. Biz Family Group kompaniyasi timsolida rivojlangan sotuv tarmog‘iga ega ishonchli hamkorlar topganimizdan mamnunmiz, u bizga O‘zbekiston bozorida tez va samarali ishlashga imkon beradi. Coca-Cola va Pepsi savdo belgilari bilan keskin raqobat masalasini chetlab o‘tishning imkoni yo‘q, ammo bizning asosiy afzalliklarimizdan biri bu an’anaviy Amerika kolasinig ta’mini saqlashimizda, uning o‘ziga xos tayyorlash usulini uzoq yillar davomida saqlab kelishimizda, deb hisoblaymiz”, — deya qayd etdi RC Cola International marketing bo‘limining vitse-prezidenti Moshi Koen.Shohrux Nizamutdinov, RC Cola Uzbekistan vakili
RC Cola Launch tadbiriga taklif etilgan hamkorlar va OAV vakillaridan tashqari, AQShning O‘zbekistondagi elchisi Pamela Spratlen, RC Cola International prezidenti Edmund O Kiffi, RC Cola International marketing bo‘limining vitse-prezidenti Moshi Koen, shuningdek, O‘zbekiston savdo-sanoat palatasi vakili Adham Ikromov, “O‘zbekoziqovqatxolding” raisi Tohirjon Jalilov va Bektemir tumani hokimi Shopo‘lat Asqarov qatnashdilar.
Reklama huquqi asosida!
Izoh (0)