Германия Бундеслигасининг янги мавсуми олдиган бугун — 5 август куни Суперкубок ўйини ўтказилади.
Унда мамлакатнинг амалдаги чемпиони «Бавария» Германия кубоги ғолиби ҳисобланган Дортмунднинг «Боруссия» клубига қарши саф тортади. Учрашув Тошкент вақти билан 23:30 да старт олади.
«Бавария» Карло Анчелотти билан бир йил муқаддам Суперкубокда ғолиб чиққанди. Бу борада италиялик мураббий кетма-кет икки Суперкубокни қўлга киритган «Бавария»нинг илк хорижлик устозига айланиб олиши мумкин. Дортмундликларни эса Петер Бош илк бор расмий ўйинга бошлаб чиқади. Ўтган мавсум якунида Томас Тухелга чиқиш эшиклари кўрсатиб қўйилганди.
«Championat.asia» нашрининг маълумот беришича, бугун «Бавария»га асосий таркибнинг 7 футболчиси ёрдам бера олмайди: Нойер, Боатенг, Алаба, Бернат, Алькантара, Хамес ва Роббен. Қолаверса, учрашувнинг Дортмунддаги «Сигнал Идуна Парк»да ўтиши мезбонлар имкониятини бироз ошириб бериши мумкин.
Германия Суперкубоги Дортмунд, Германия 5 август, шанба
Изоҳ (0)