Мажбурий ижро бюросининг Қорақалпоғистон Республикаси бошқармасининг Қўнғирот тумани бўлими давлат инспектори С.Машарипов (исм-шарифи ўзгартирилган) томонидан тумандаги «Ўрнек» МФЙда яшовчи фуқаро Х.Қабуловнинг (исм-шарифи ўзгартирилган) табиий газдан жами 312 минг 331 сўм миқдорида қарзи бор эканлиги аниқланиб, уни тез кун ичида тўлаши лозим эканлиги ҳақида расмий талабнома берилган, деб ёзади «Қорақалпоғистон янгиликлари» нашри.
Уй эгаси эса хизмат вазифасини ижро этаётган инспектор С.Машариповни ҳақорат қилиб, уни мушти билан бир марта урган, сўнг изидан қувиб етиб оёғи билан тепиб, кийимларидан тортиб, ҳокимият вакилига қаршилик кўрсатган.
Бу ҳолат бўйича Қўнғирот тумани прокуратураси томонидан фуқаро Х.Қабуловга нисбатан Ўзбекистон Республикаси Жиноят кодексининг 219-моддаси 2-бўлими ва 277-моддасининг 3-бўлими «г» банди билан жиноят иши қўзғатилиб, қамоққа олинди.
Изоҳ (0)