3 август куни мамлакат ижодкор зиёлилари вакиллари билан учрашган Ўзбекистон Президенти Шавкат Мирзиёев Маданият вазирлиги борасида фикр билдириб ўтди. Бу ҳақда Президентнинг Facebook’даги саҳифасида ахборот берилган.
Шавкат Мирзиёев бутун дунёда Маданият вазирлиги мамлакатнинг юзи ҳисобланиб, энг гўзал, салобатли биноларда фаолият олиб боришини, Ўзбекистонда эса ноқулай шароитда, асосан расмий идоралар жойлашган бинода иш олиб бораётганини қайд этиб ўтган.
«Бу ўз-ўзидан маданий жамоатчилик, ижод аҳлининг вазирликка эркин кириб-чиқишига, турли ижодий тадбирлар ўтказишига тўсқинлик қилмоқда», — дейилади Президент саҳифасида ахборотда.
Шунинг учун Тошкентдаги илгари Ташқи савдо вазирлиги жойлашган тарихий бинони Маданият вазирлигига ажратишга қарор қилинди.
Маълумот учун, Маданият вазирлиги берилган бино 1898 йилда архитекторлар Гейнцелман ва Максимов лойиҳалари асосида бунёд этилган бўлиб, у архитектура ёдгорлиги ҳисобланади.
Изоҳ (0)