Франциянинг биринчи хоними Брижит Макрон Луар ва Шер департаментида жойлашган «Боваль» ҳайвонот боғида туғилиши кутилаётган икки панда боласини ўз қарамоғига олади. Бу ҳақда ҳайвонот боғи матбуот котиби Дельфин Делор баёнот берди, деб хабар қилади «ТАСС».
Президентнинг рафиқаси янги туғилган жониворларни таъминлаш бўйича ҳомийлик мажбуриятларини ўз зиммасига олиши кутилмоқда. Бу биринчи навбатда озиқ-овқат ва тиббий хизматлар учун харажатларни ўз ичига олади. Макрон хоним, шунингдек, пандачаларнинг соғлиғи ва ҳайвонот боғида яшаш шароитлари ҳақида маълумот олиб туради.
Делор хонимнинг айтишича, панда болаларининг туғилиши Франция учун чинакам тарихий воқеадир.
Изоҳ (0)