Дамашқ ташқарисидаги «Шарқий Гута» деэскалация ҳудудининг жанубий қисмида навбатчилик қилаётган Россия ҳарбий полицияси ҳарбий хизматчилари террорчиларнинг эҳтимолий ҳужумларини даф қилишга тўлиқ тайёр. Бу ҳақда ҳарбий полиция капитани Алексей Полатинский маълум қилди, деб ёзади «ТАСС».
«Шарқий Гутада жанговар ҳаракатлар бошланган биринчи кунданоқ ушбу туман энг танг аҳволда эди. Бунинг устига ҳозир олд қирғоқда, бизнинг маълумотларимизга кўра, ‘Жибҳат ан-Нусра’ гуруҳи жангарилари жойлашган, уларнинг сони 350 га яқин бўлиб, улар ўқотар қуроллар ва миномёт батареялари билан қуролланган», — деди Полатинский.
Офицернинг сўзларига кўра, террорчилар ҳар қандай лаҳзада назорат-ўтказиш пунктига ва кузатув пунктларига ҳужум қилиши мумкин, шу туфайли тревога бўйича шахсий таркибнинг барча хатти-ҳаракатлари сонияма-сония ёзиб қўйилган, позициялар олдиндан тақсимланган. «Шахсий таркиб 100 фоиз тайёр. Суткасига икки марта эҳтимолий ҳужум, терроризмга қарши курашни машқ қиляпмиз», — деди Полатинский.
Изоҳ (0)