Ўзбекистон Фанлар академияси Қорақалпоғистон бўлими илмий ходими Шарибай Туремуратов бархан қумдан силикат ғишт тайёрлаш усулини ихтиро қилди, деб хабар берди Қорақалпоғистон ахборот агентлиги.
Ушбу янги ихтиро, яъни силикат ғишт асосан оҳак (15%) ва республикада жуда кўп миқдордаги бархан қуми (85%) асосида олинади. Силикат ғишт формаси, ўлчамлари ва фойдаланиш турлари бўйича керамик ғиштдан фарқ қилмайди. Силикат ғишт 250 х 120 х 65 миллиметр ўлчамларида тайёрланилади. Механик мустаҳкамлиги бўйича ғишт 75, 100 и 125, 150 и 200 марка кўрсаткичларига эга.
Техник-иқтисодий кўрсаткичлари (афзалликлари) бўйича силикат ғишт керамик ғиштлардан юқори туради. Силикат ғиштни ишлаб чиқиш ушун 2 баробар кам ёқилғи, 3 баробар кам электр энергияси, 2,5 баробар кам ишчи кучи ишлатилади ҳамда силикат ғиштнинг ўзига тушар баҳоси 25—35% фоизга камаяди.
Бугунги кунда янги ғишт турининг апробация ва лабораториялик тажриба намунаси мавжуд бўлиб, яқин вақтлар ичида мазкур силикат ғиштнинг ҳар хил маркадаги тажриба-синов намуналари олинади ва амалиятда фойдаланишга татбиқ қилинади.
Изоҳ (0)