Бухоро вилоятида ўтказилган «Қидирув ва Тозалаш» тадбирлари давомида, Шофиркон туманидаги «Қишлоқ хўжалик кимё» филиалининг фосфорли ўғитлар бўйича марказий омборида мудир лавозимида ишлаб, ўз мансаб мавқеини суиистеъмол қилиб қочиб кетган фуқаро қаерда эканлиги аниқланди, деб хабар берди Бухоро вилояти ИИБ ахборот хизмати.
Марказий омбор мудири А.Ишигов жами 4916656 килограмм миқдоридаги 90 миллион сўмлик минерал ўғитларни ўзлаштириш ва «растрата» қилиш йўли билан талон-тарож содир этганлиги сабаб, Шофиркон туман ИИБ тергов бўлими томонидан 2009 йилда унга нисбатан Ўзбекистон Республикаси Жиноят Кодексининг 167-моддаси 3-қисми билан жиноят иши қўзғатилган ва у шу кунга қадар қидирувда бўлган.
Шофиркондан бўлган ушбу фуқаро Бухоро вилоят ИИБ ППХ ва ЖЦБ ППХ батальони ходимлари томонидан Россиясининг Оренбург вилояти ҳудудида яшириниб юрганлиги аниқланган. Унга нисбатан барча керакли ҳужжатлар расмийлаштирилган ва Шофиркон туман ИИБ TBга тақдим қилинган.
Изоҳ (0)