Бухоро вилояти ИИБ ходимлари томонидан вилоят ҳудудида олиб борилган тезкор-профилактик тадбирлар давомида Қашқадарё вилояти Каспи туманида яшовчи О.Ботировнинг асл «фаолияти» фош этилди, деб хабар берди вилоят ИИБ матбуот хизмати.
Фуқаро Ботиров айланма йўллар орқали Бухоро вилоятига келиб, бу ерда ўзининг доимий мижозларига гиёҳвандлик моддаларини сотиш билан шуғулланиб келаётганлиги аниқланди. Тадбир давомида ходимлар О.Ботировни гугурт қутисига жойлаштирилган жами 26,19 грамм миқдоридаги марихуана гиёҳвандлик моддасини 800 минг сўм эвазига сотаётган вақтида қўлга олди.
О.Ботиров билан олиб борилган суруштирув ишлари давомида, ушбу гиёҳвандлик моддаларни Қашқадарё вилояти, Миришкор туманида яшовчи Султон исмли фуқародан 750 минг сўмга сотиб олганлиги аниқланади.
Ҳозирда тергов ишлари давом этмоқда.
Изоҳ (0)