«Барселона» Неймар жамоани тарк этаётганини расман тасдиқлади

Каталониянинг «Барселона» клуби бразилиялик ҳужумчи Неймар жамоасини алмаштираётганини тасдиқлади. Бу ҳақдаги хабар клуб расмий сайтида пайдо бўлди.

Матбуот хизматининг ёзишича, Неймар ва унинг отаси ўз қарорлари борасида «Барселона» раҳбариятига мурожаат қилиб улгурган.

«Мавжуд вазиятдан келиб чиқиб, «Барселона» ҳисоб рақамига 222 миллион евро тушгач, Неймар билан шартнома бекор қилинади. Бу ҳолат у билан тузилган шартномада ўз ифодасини топган. Унга қадар эса футболчи «Барселона» аъзоси бўлиб қолади. Машғулотларда мураббий рухсати билан иштирок этмаслиги мумкин», — деб ёзилган «Барселона» боёнотида.

Аввалроқ Неймар «Барселона» бош мураббийи Эрнесто Валверденинг рухсати билан жамоанинг сўнгги машғулотини қўйиб юборгани айтилганди.