Honda компанияси GT3 тоифаси талабларига мос келувчи NSX пойга суперавтомобили сотувини бошлади. Битта машина нархи 465 минг евродан иборат, дея хабар беради Мотор.
Модельнинг пойга учун мўлжалланган версияси компаниянинг кўп йиллик шериги — Италиянинг JAS Motorsport жамоаси иштирокида ишлаб чиқилди. Hondaнинг АҚШдаги бўлинмаси — HPD машиналарни синовдан ўтказди, улар 85 минг километр йўл босди.
Карбон кузовли суперавтомобиль оғирлиги 1240 килограммга тенг. У 3,5-литрли твин-турбо мотор, 6 босқичли ХТrаc узатмалар қутиси, Brembo 6 поршенли олд ва 4 поршенли орқа томозлари, бошқариладиган Sachs амортизаторлари билан жиҳозланган.
Моделнинг пойга учун мўлжалланмаган Acura NSX йўл версияси 573 от кучига эга гибрид двигатель билан жиҳозланган. АҚШда икки эшикли мазкур машина нархи 156 минг доллардан бошланади.
Изоҳ (0)