Марҳум Уэльс маликаси Диананинг укаси Чарльз Спенсер Channel 4 телеканалидан опаси билан уюштирилган очиқ интервью видеоёзувини намойиш қилмасликни сўради, деб ёзади «ТАСС» Sky News телеканалига таяниб. У бундан жиянлари Уильям ва Гаррига озор етишидан хавфсирамоқда.
Ўзининг нутқ санъати бўйича репетитори актёр Питер Сеттелен томонидан 1992—1993 йилларда Кенсингтон саройида видеокамерага туширилган очиқ интервью 6 август куни Diana: In Her Own Words теледастури орқали кўрсатилиши керак эди.
2004 йилдаёқ бу видеонинг маълум бир парчалари Американинг NBC телекомпанияси томонидан намойиш этилган эди, аммо британиялик телетомошабинлар бу ёзув билан таниш эмас.
Диана ушбу видеода Виндзорлар қироллик оиласидаги муаммоли муносабатларнинг ҳамма сирини очиб берган. Хусусан, у Уэльс шаҳзодаси Чарльз билан ўзи ўртасидаги совуқ муносабатлар, Чальзнинг унга нисбатан хиёнатига қирол ва қироличанинг бепарволиги ҳақида гапириб берган.
Изоҳ (0)