Британиялик 11 ойлик болакай, давосиз хасталикка йўлиққан Чарли Гард оламдан ўтди. Бу ҳақда, Deutsche Welle радиосига асосланиб, «ТАСС» хабар бермоқда.
Боланинг ота-онаси уни даволатиш учун АҚШга олиб боришга уринган, аммо судлашувдан сўнг британиялик шифокорларнинг фикрига қўшилиб, болани ҳаёт таъминоти аппаратидан узишга рози бўлган эди.
Америкалик шифокор болани тажрибавий даволаш методини таклиф қилган, аммо Лондонга келиб, унинг аҳволини ўргангач, бу метод унга таъсир қилмаслигини тан олган эди. Шундан сўнг боланинг ота-онаси Крис Гард ва Конни Йейтс судга киритилган шикоятни қайтариб олиб, шифокорларнинг талабини бажарди.
«Бизнинг ажойиб митти фарзандимиз ҳаётдан кетди. Биз сен билан жуда фахрланамиз, Чарли», — деди боланинг онаси.
Изоҳ (0)