CNN: КХДР шу ҳафта ичида яна ракета учириши мумкин

КХДР навбатдаги ракета синовига тайёргарлик кўрмоқда, бу бир ҳафта ичида амалга оширилиши мумкин. Бундай ахборотни CNN телекомпанияси тарқатди, деб ёзади «ТАСС».

Телекомпания Пентагондаги аноним манбасига таянмоқда. Унинг сўзларига кўра, Америка разведкаси 21 июль, жума куни Пхеньян томонидан Кусон шаҳрига ракета парвози учун зарур ускуна етказиб берилганини қайд этган. КХДР 14 май куни айнан Кусон яқинидаги старт майдонидан баллистик ракета учирган эди.

CNN манбаси таъкидлашича, аввалги ҳолларда разведка қайд этган техника етказиб берилишидан ракета синовигача кўпи билан олти кун ўтган. Пентагон фикрича, Пхеньян ракетани 27 июль куни Корея уруши тугаган кунга бағишлаб ўтказиладиган миллий байрам куни учириши мумкин.