Чемпионлар халқаро кубогининг АҚШ турнесида иштирок этаётган Англиянинг «Манчестер Юнайтед» ва Испаниянинг «Реал» клублари бугун — 24 июль тонгида ўзаро тўқнаш келди.
Учрашувнинг 45-дақиқасида Жесси Лингард «манкунианлар»ни ҳисобда олдинга олиб чиқишга муваффақ бўлди. 69-дақиқага келиб эса Касемиро Давид де Хеа дарвозаси томон белгиланган пенальтини аниқ амалга ошириб, мувозанатни тиклади.
Асосий вақтда ғолибни аниқлаб бўлмагач, ҳакам пенальтилар сериясига мурожаат қилди. Унда Жозе Моуриньо жамоаси 2:1 ҳисобида устун келди. «Юнайтед» футболчиларидан Антони Марсьяль, Скотт МакТоминай, Виктор Нильссон-Линделёф каби футболчилар пенальтини ноаниқ амалга оширган бўлса, «Реал» сафида Матео Ковачич, Оскар Арнаис, Тео Бернар Франсуа, Карлос Касемиро каби футболчилар мўлжалдан адашди. Номлари келтирилган барча футболчилари 7 метрлик дарвозани аниқ нишонга ола билмади.
Мадридликлардан фақатгина Луисми Кесада гол ура олди. Манчестерликлар сафидан эса Генрих Мхитарян ҳамда Дейли Блинд муваффақият қозонди.
Чемпионлар халқаро кубоги Калифорния, АҚШ 24 июль, душанба
«Манчестер Юнайтед» — «Реал Мадрид» 1:1 (пен — 2:1)
Голлар: Жесси Лингард, 45 (1:0). Карлос Касемиро, 69-пен (1:1).«Манчестер Юнайтед»: Ромеро (Де Хеа, 46) — Жонс (Смоллинг, 46), Байи (Линделёф, 46), Дармиан (Валенсия, 77), Лингард (Погба, 46), Фосу-Менса (Блинд, 46), Феллаини, Кэррик (Мхитарян, 46), Перейра (Эррера, 46; Мактомини, 52), Марсьяль, Рэшфорд (Лукаку, 46).
Реал Мадрид: Навас (Касилья, 46) — Варан (Кесада, 46), Марсело (Техеро, 46), Карвахаль (Ҳакими, 46), Начо (Ману, 46), Иско (Оскар Родригес, 46), Кроос (Касемиро, 46), Васкес (Тео, 46), Модрич (Ковачич, 46), Бэйл (Фойласье, 46), Бензема (Дани Гомес, 46).
Якунига етган мавсумда «Манчестер Юнайтед» Европа лигасида ғолиб чиққан бўлса, «Реал» Чемпионлар лигаси бош совринини ўзиники қилиб олганди. Кўҳна қитъада янги мавсум мана шу икки клубнинг УЕФА Суперкубоги учун бўладиган ўйини билан бошланади. Учрашув 8 август куни Македонияда ўтади.
Изоҳ (0)