Namangan viloyatining Norin tumanidagi “Soybo‘yi” mahallasida profilaktika inspektori uchun xizmat uyi foydalanishga topshirildi. Uy tayanch punkti bilan yonma-yon joylashgan. Bu haqda “Daryo” muxbiri xabar bermoqda.
Mayor Otabek Asqarov ichki ishlar idoralarida salkam 20 yildan beri ishlaydi. 637 ta xonadoni, 4 mingdan oshiq aholisi bo‘lgan mazkur mahallaga o‘tganiga ikki yil bo‘ldi. Oilali, ikki nafar farzandi bor. Xizmat joyiga esa 14 kilometr uzoqdan, “Qo‘shchek” mahallasidan qatnardi.
Tumanda jami 29 nafar profilaktika inspektori bo‘lib, bu yil ulardan 13 nafari xizmat uylari bilan ta’minlanishi ko‘zda tutilgan.
Barcha qulayliklarga ega bo‘lgan ilk xizmat uyini foydalanishga topshirish marosimida viloyat IIB boshlig‘i o‘rinbosari X. Hoshimov, viloyat IIB huquqbuzarliklar profilaktikasi boshqarmasi boshlig‘i R.Do‘smatov, tuman hokimi D. Qodirov, nuroniylar, mahalla faollari ishtirok etdi.
Izoh (0)