Юзлаб араблар эътироз рамзи ўлароқ Қуддус кўчаларида жума намозини ўқиди. Хавфсизлик чоралари рўкач қилинган ҳолда Ибодатхона тоғида, ал-Ақсо масжидида намоз ўқилишининг ман этилиши бунга сабаб бўлди, деб хабар беради «РИА Новости».
Қуддуснинг араблар истиқомат қилувчи туманларида ёш мусулмонлар полиция билан тўқнашувларга киришиб кетди.
Намойишчиларга қарши махсус воситалар қўлланди. Мусулмонлар уларга тошбўрон билан жавоб берди. Намойишчиларни тарқатишга отлиқ полиция ва сув ўт ўчириш машиналари жалб қилинди.
Ўтган ҳафта уч жангари Ибодатхона тоғида икки полициячини ўлдириб кетгани бу ҳудудда хавфсизлик чораларининг кучайтирилишига сабаб бўлди. Жумладан, Ибодатхона тоғига чиқиш учун металл аниқловчи ромлардан ўтиш талаб этилади. Бундан ташқари, эликка тўлмаган мусулмонларга ал-Ақсода намоз ўқиш тақиқланди.
Изоҳ (0)