Чемпионлар халқаро кубоги. Лондон «Арсенал»и ва ниҳоят «Бавария»дан устун келди

Лондоннинг «Арсенал» ҳамда Мюнхеннинг «Бавария» клублари Чемпионлар халқаро кубогининг Шанхайдаги турнесида тўқнаш келди.

Беллашувнинг асосий вақти 1:1 ҳисобидаги дуранг билан якунланди. Ҳисоб 9-дақиқада Роберт Левандовскининг пенальтидан йўллаган аниқ зарбасидан кейин очилганди. Асосий вақтнинг сўнгги дақиқасида Алекс Ивоби «тўпчилар»ни мағлубиятдан қутқариб қолди.

Ўйиндан кейинги пенальтилар сериясида омад лондонликларга кулиб боқди ва Венгер жамоаси 3:2 ҳисобида устун келди.

Европа Чемпионлар лигасининг сўнгги мавсумида мазкур икки клуб плей-оффда тўқнаш келган бўлиб, ҳам Мюнхендаги, ҳам Лондондаги ўйинда «Бавария» бир хилда — 5:1 ҳисобида зафар қучганди.

Чемпионлар халқаро кубоги Шанхай, Хитой 19 июль, чоршанба

«Арсенал» — «Бавария» 1:1 (пен — 3:2)